Օրը՝ 14.12.2023
Ժամը՝ 11:00-12:30
Մասնակիցները՝ Արևելյան .և Հյուսիսայինդպրոցի դպրոցի 5 տարեկաններ, ծնողներ, քույրեր, եղբայրներ, սովորողներ
Պատասխանատուներ՝ Քրիստինե Գրիգորյան,Սաթեն Քարաջյան
Երաժշտության դաստիարակ՝ Արմենուհի Սոկրատունի
Ընթացքը
5 տարեկանները դասարանական շապիկներով ու ջինսե տաբատներով, ատամիկ կրծքազարդերով մեծ շրջան են կազմում։ Ծափերով դիմավորում են ատամհատիկի մասնակից Նոյեմիին։
Նոյեմին տեղավորվում է շրջանի կենտրոնում, երգում ենք Տիտոխիկ երգը.
Տիտոխիկ, տիտմարոխիկ,
Զուռնափչիկ, Թուխմանուկիկ,
Եփե գաթա ու կուլուճա,
Եղը վըրեն կըպըճպըճա,
Ուտա իդա, խըմա իդա,
Էլնա, ինա:
-Վի՞ր տուն իջնա:
Նուբարի տու՜ն:
Միասնական ընթերցանություն` Ղ. Աղայան «Ատամը փոխած» (ծափերով և դոփերով):
Ատամ, ատամ,
Իմ կաթնատամ,
Դու շուտ արի՛,
Գալըդ բարի՜,
Իմ լավ ատամ.
Ես քեզ կըտամ
Չամչով փլա՜վ,
Հնդու խուրմա,
Տանձ ու խնձոր
Մի՜շտ, ամեն օ՜ր
Փըստա՜, բադա՜մ,
Էլ ո՜ր մեկի
Անունը տամ,
Իմ լավ ատամ:
Միասնական խաղ ատամհատիկ
Ատամհատիկ,
Սիրուն թաթիկ,
Ուտենք հատիկ,
Որ հեշտ դուրս գա
Քո ատամիկ:
Հատիկ, հատիկ, ատամհատիկ,
Չալ խնձորիկ, փշատիկ,
Կուտ ուտեմ, կոտրեմ ուտեմ,
Պապոնց դռան տռճկեմ:
Միասնական երգ՝«Ատամ, ատամ, դուս արի»
Ատամ, ատամ, դուս արի,
Տես, քե ինչեր ենք բերե,
Ատամ, ատամ, դուս արի,
Չիր ու չամիչ ենք բերե:
Ատամ, ատամ, դուս արի,
Յուղ ու մեղր ենք բերե:
Ատամ, ատամ, դուս արի,
Պոպոք, պնդուկ ենք բերե,
Սև հավի միս ենք բերե,
Հնդու խուրմա ենք բերե,
Չամչով փլավ ենք բերե:
Ատամ, ատամ, դուս արի,
Տես, քե ինչեր ենք բերե:
Ատամփոխիկ 5 տարեկանները պարանից կախված նկարներից փնտրում, գտնում են իրենց ատամիկ֊ժպիտ նկարը։ Այդ ընթացքում փոքրիկ Նոյեմին ընտրում է իր նվերը` ընկույզներից վզնոց՝ յուրաքանչյուրից կախված բարեմաղթանք, օրհնանք։
Հյուրասիրություն՝
- Փոխինձ,
- հալվա,
- գաթա,
- աղանձ,
Մասնակիցներ
5 տարեկանների մեդիամիջավայր 