Այս անգամ 5 տարեկանների ստուգատեսը մարզական էր։Սովորողները ցուցադրեցին իրենց հենծանիվ և ինքնագլոր վարելու հմտությունները։
Տեսանյութ 1՝
Տեսանյութ 2՝
Category: Հունվարիկ
«Հունվարիկ». լողի ստուգատես
Օրը՝ 27.01.2023
Ժամը` 10:40
Մարզիչ` Քրիստինե Հարությունյան
Մասնակիցներ՝ Արևելյան դպրոցի 5-6 տարեկաններ
Նպատակ՝ Ձմեռային մարմնամարզական ստուգատեսի շրջանակում գրանցել սովորողների ձեռքբերած լողի հմտությունները
Ընթացք՝ հանդերձանքի փոխում, ցնցուղ, նախավարժանք, ջրում տաքացնող նախատապատրաստական վարժություններ:
Նորմատիվներ՝
- հմտությունների գրանցում
- արտաշնչումներ ջրում
- թիկնալող
- կրծքի վրա՝ ազատ ոճի լող
Ստուգատեսի լուսաբանման պատասխանատուներ՝ դասվարներ, օգնականներ
«Հունվարիկ»․ Հեծանիվներով ու ինքնագլորներով մարզական ստուգատես
Օրը՝ 19.01.2023
Սկիզբը՝ 11:00
Մասնակիցները՝ Արևելյան դպրոցի 5-6 տարեկաններ
Վայրը՝ Արևելյան դպրոցի առաջին հարկի սրահ կամ Արևելյան դպրոցին կից մարզադաշտ՝ կախված եղանակային պայմաններից
Պատասխանատուներ` Դիանա Գևորգյան, Սաթեն Քարաջյան
Նպատակը՝ Ձմեռային մարզական ստուգատեսի շրջանակում հեծանվով, ինքնագլորով մարզական ստուգատեսի անցկացում ու սաների մարզական կարողությունների դիտարկում:
Խնդիրները՝
- Հեծանիվ, ինքնագլոր վարելու կարողության դիտարկում, գրանցում.
- Մարզական գործունեությանը նախապատրաստվելու կարողության զարգացում /համապատասխան մարզահագուստ, մարզակոշիկներ/
- Անվտանգության կանոնների պահպանում.
Ընթացքը.
Սովորողները կհագնեն իրենց գունավոր շապիկները, մարզակոշիկները: Ստուգատեսը կսկսենք ուրախ նախավարժանքով, այնուհետև սովորողները կցուցադրեն հեծանիվ և ինքնագլոր վարելու իրենց հմտությունները՝ կանգնակների շրջանցումով։ Խաղերը կիրականացնենք փոխանցումներով։ Կբաժանվենք 2 խմբի։ Յուրաքանչյուր խմբի դիմաց դրված կլինեն կանգնակներ, խմբերի առաջին մասնակիցները հեծանիվներով կշրջանցեն կանգնակները, կվերադառնան` մեկնարկը տալով հաջորդ մասնակիցներին։ Խաղ֊մրցույթը կշարունակվի մինչև վերջին մասնակիցը։
Արդյունքները կամփոփվեն դասարանական բլոգում:
«Հունվարիկ». Ազգային խաղերի, ընկուզախաղերի ստուգատես
Օրը՝ 12.01.2023
Ժամը՝ 11։00
Վայրը՝ Արևելյան դպրոցի 5-6 տարեկանների դասարան-լաբորատորիա
Մասնակիցներ՝ Արևելյան դպրոցի 5֊6 տարեկաններ
Պատասխանատուներ՝ Դիանա Գևորգյան, Սաթեն Քարաջյան
Խորհրդատու՝ Տաթև Մանվելյան
Նպատակը՝ ազգային մշակույթի յուրացում, փոխանցում, տարածում
Հիմնական ուղղությունները՝
- ընկուզախաղեր
- ազգային, ծիսական խաղեր
Նկարագրությունը՝
Ազգային ծիսական խաղեր — խաղերը՝ Մարինե Մկրտչյանի բլոգից
«Մուկ–կատու»
Սովորողները շրջան են կազմում՝ մեկին` մուկ, իսկ մյուսին կատու նշանակելով: Մուկը դրսից ներս է մտնում և կատվին խաբելով` դուրս գալիս մեկ ուրիշ տեղով, իսկ կատուն հետապնդում է նրան։ Հետո նույն տեղերով մտնելով ու դուրս գալով` աշխատում է բռնել նրան։ Բռնելուց հետո դերերով փոխվում են։
«Դմբուզ և թիզ»
Մասնակիցներից երկուսը նստում են գետնին՝ դեմ դիմաց, ոտքի թաթերը հպում մեկը մյուսին,ոտքերը՝ փակ: Մյուս մասնակիցները պետք է այնպես ցատկեն նստած մասնակիցների ոտքի թաթերի վրայով, որ ոչ մի կերպ չդիպչեն: Հրահանգողը բարդացնում է առաջադրանքը՝ հնչեցնելով ՝ ըստ հերթականության . «Ոտքերը բաց, կրունկ կրնկի վրա, բռունցք բռունցքի վրա, թիզ թզի վրա»: Նստած մասնակիցները կատարում են հրահանգները, մյուսները՝ ցատկում, մինչ այն պահը, երբ որևէ մեկը կդիպչի նստած մասնակիցների դմբուզ-թիզին և փոխարենն ինքը կնստի հատակին։
«Աղջիկ փախցնոցի»
Երեխաները զույգերով իրար ետևից կանգնում են` զույգերի ձեռքերն վերև
պահած` ափերն իրար մեջ: Նրանցից մեկը, ով զույգ չունի, գալիս է առաջ ու,
նրանց արանքով անցնելով, բռնում է որևէ մեկի ձեռքից, երկուսով գնում են,
կանգնում վերջում, իսկ այն մասնակիցը, ում զույգին տանում են, գալիս է
առաջ ու կատարում նույն գործողությունը:
Ընկուզախաղեր — խաղերը՝ Մարինե Մկրտչյանի բլոգից
- Ընկույզը մատների շրջանաձև շարժումով պտտել: Կարելի է
կազմակերպել մրցույթ՝ ում ընկույզն է երկար պտտվում: Եթե սաները
դժվարանում են այն կատարել մատներով, կարող են ընկույզը պտտել՝
երկու ձեռքերի ափերի մեջ առնելով այն ու ափերն իրար հակառակ
ուղղությամբ շարժելով: - Սեղանին կամ գետնին իրար զուգահեռ երկու շարքով շարվում են ընկույզներ: Խաղացողը, մի շարքի ընկույզները միջնամատի և բութ մատի միջոցով կտտացնելով, պետք է նշանառությամբ շարքից դուրս հանի մյուս շարքի ընկույզները:
Խաղերի արդյունքները կներկայացնենք տեսանյութերի, ռադիոնյութերի, աուդիոպատումների միջոցով և կհրապարակվեն դասարանական բլոգում, ենթակայքում։
Լողի ստուգատես
Այսօր Արևելյան դպրոցի Բզեզիկներ ջոկատի լողի ստուգատեսն էր։Բզեզիկները արագ զգեստափոխվեցին,ծալեցին իրենց հագուստները,տեղավորեցին զամբյուղների մեջ և ցնցուղ ընդունելուց հետո շտապեցին դեպի լողավազան։Կատարեցին մարմինը տաքացնող վարժություններ,իսկ հաջորդ վարժությունները արդեն կատարեցին ջրում։Պարապմունքից հետո մարմինը ցողեցին ջրով և արագ զգեստափոխվեցին։Կեցցե՛ն, իմ ինքնուրույն բզեզիկները…
Մեդիաստեղծագործական ստուգատես. «Դդմային կերպարներ, գովքեր, հանելուկներ, հեքիաթներ»
5 տարեկան բզեզիկները շատ են սիրում հինգշաբթի օրերը,քանի որ այդ օրը տարբերվում է մնացած օրերից։Հագնում ենք դասարանական շապիկները և սկսում աշխատել՝ամեն անգամ ներկայանալով և ներկայացնելով տարբեր թեմաներ։Այս անգամ paint ծրագրով նկարեցինք դդմապատկերներ,պահպանեցինք նկարը և փորձեցինք հորինել հեքիաթ կամ հանելուկ։Ամփոփումը՝տեսանյութով։
Մեդիաստեղծագործական ստուգատես. «Դդմային կերպարներ, գովքեր, հանելուկներ, հեքիաթներ»
Օրը՝ 20.01.2022թ.
Ժամը՝ 11:00-12:00
Վայր՝ Արևելյան դպրոցի 5-6 տարեկանների խմբասենյակ
Մասնակիցներ՝ Արևելյան դպրոց-պարտեզ 5-6 տարեկան ճամբարականներ, ծնողներ
Պատասխանատուներ՝՝Սաթեն Քարաջյան,Ալինա Մարզումանյան
Անհրաժեշտ նյութերը՝ ուսումնական գործիք՝ պլանշետ, նեթբուք-նոթբուք, բջջային հեռախոս-ձայնագրիչ:
Նպատակը՝ Դդմային մեդիաբացիկների ստեղծում, երևակայության զարգացում, մեդիահմտությունների զարգացում:
Նկարագրություն՝ ( ըստ դպրոցների) Սովորողները բացում են paint ծրագիրը, նկարում դդմային կերպարներ, գունավորում, պահպանում նկարները ուսումնական գործիքում:Որից հետո նայելով իրենց նկարած դդմապատկերին,փորձում են հորինել հեքիաթ,ասիկ կամ հանելուկ կամ փորձում են դդմագովք անել։
Ամփոփումը,տե՛ս այստեղ
«Ազգային ծիսական խաղերի ստուգատես »
Այսօր հինգշաբթի էր և այս տարվա առաջին ստուգատեսյան օրը։Այս անգամ խաղացինք ազգային խաղեր։Խաղերից ընտրել էինք մուկն ու կատուն,կարմիր կոճակը և ներքնակ-վերմակը։Սաները սիրով և մեծ ոգևորվածությամբ խաղացին խաղերը։Սիրով կրկին խաղալու ենք, դա իրենց պահանջն էր։
Հունվարիկ. «Ազգային ծիսական խաղերի ստուգատես »
Օրը՝ 13.01.2022թ.
Ժամը՝ 11:00-12:00
Վայրը՝ Արևելյան դպրոց-պարտեզ
Մասնակիցներ՝ Արևելյան դպրոցի 5 տարեկան ճամբարականներ, ծնողներ
Պատասխանատու՝ Սաթեն Քարաջյան,Ալինա Մարզումանյան
Նպատակը՝ ազգային մշակույթի, ազգային խաղի ուսուցում, յուրացում
Խնդիրներ՝ սաներին մասնակից դարձնել խմբակային խաղերին։
Խաղերը՝« Կարմիր կոճակ», «Մուկն ու կատու», «Ներքնակ-վերմակ»
Ազգային ծիսական խաղեր — խաղերը՝ Մարինե Մկրտչյանի բլոգից
Արդյունքում սովորողը
- կիմանա ազգային խաղերը,
- կկարողանա խաղալ և մասնակից դարձնել իրեն շրջապատողներին
- կլինի ազգային մշակույթը կրող, փոխանցող:
Ընթացքը՝
- « Մուկն ու կատուն» Սովորողներից մեկը ընտրվում է մուկ, մյուսը` կատու: Սովորողները ձեռք ձեռքի բռնած՝ շրջան են կազմում, մուկը վազում է շրջանի շուրջը` կատվից փախչելով: Սովորողներն օգնում են մկնիկին, որպեսզի մտնի շրջանի մեջ, որ կատուն չկարողանա բռնել նրան: Երբ բռնում է, ուրիշ զույգ է դառնում մուկ ու կատու
- « Կարմիր կոճակ» Երեխաները նստում են աթոռներին, ձեռքերը մեկնում են առաջ
ափերն իրար կպցրած: Խաղավարը իր ափի մեջ թաքցնում է կարմիր կոճակը, մոտենում է յուրաքանչյուր երեխայի ու նրա ափի մեջ մտցնելով իր ձեռքերըկոճակը թաքուն գցում է երեխաներից մեկի ձեռքերի մեջ: Ընթացքում կարող է որեւէ խաղերգ արտասանել: Վերջացնելուց հետո ասում է. Կարմի ́ր կոճակ, դո՛ւրս արի: - « Ներքնակ-վերմակ» Խաղում են 2 ական հոգով՝ հիմնականում հոգնած մեջքը հանգսռացնելու համար։Խաղացողները կանգնում են մեջքներն իրար կպցրած և երկուսի թևերը մեկը մյուսին շղթայած։Այդ դրությամբ մեկը կռանալով՝ մյուսին առնում է շալակը։Շալակողի հարցումով նրանց մեջ տեղի է ունենում հետևյալ խոսակցությունը։
-Տակդ ի՞նչ կա։
-Վերմակ ներքնակ
-Ապա շալակողն էր հարցնում
-Վրեդ ի՞նչ կա։
-Աստղ ու լուսնյակ։
Ամփոփումը,տե՛ս այստեղ։
Լողի ստուգատես
Օրը՝ 21. 01. 2022թ
Ժամը` 10։20-11։00
Մարզիչ` Անուշ Համբարյան,
Մասնակիցներ՝ Արևելյան դպրոցի 5 տարեկաններ
Նպատակ՝ Գրանցել սովորողների ձեռք բերված լողի հմտությունները
Ընթացք՝ սաներն ինքնուրույն զգեստափոխվում են, հագուստը շրջում, ծալում, տեղավորում են անհատական զամբյուղների մեջ, ցնցուղ են ընդունում, կատարում` նախավարժանք, ջրում տաքացնող նախատապրաստական վարժություններ: Այնուհետև մարզիչի ցուցումներով կատարում են ջրային վարժություններ, լողում են։ Լողից հետո կրկին ցնցուղ են ընդունում` մարմինը մաքրում քլորից, ինքնուրույն սրբվում, հագնվում, չորացնում մազերը, թաց իրերը հավաքում պոլիէթիլանային տոպրակ մեջ, տեղավորում պայուսակի մեջ։ Կարգի են բերում հանդերձարանը, հավաքում զամբյուղները:
Նորմատիվներ՝
- հմտությունների գրանցում
- արտաշնչումներ ջրում
- թիկնալող
- կրծքի վրա՝ ազատ ոճի լող
Ստուգատեսի լուսաբանման պատասխանատուներ՝ դասվարներ, օգնականներ
Ամփոփումը,տե՛ս այստեղ
5 տարեկանների մեդիամիջավայր 