Օրը՝ դեկտեմբերի 25
Ժամը՝ 11։00
Վայրը՝ Արևելյան դպրոց, Վերնատուն
Մասնակիցներ՝ Արևելյան դպրոցի 5 տարեկան սովորողներ, ընտանեկան դպրոցներ
Պատասխանատուներ` Սաթեն Քարաջյան,Նելլի Աբովյան Լիլիթ Վերմիշյան
Նպատակներ՝
Սովորողների հետազոտական կարողությունների և հմտությունների, լեզվամտածողության բանավոր խոսքի զարգացում: Մտքերն ազատ, անկաշկադ շարադրելու կարողությունների ձևավորում, զարգացում։
Նկարագրություն`
Ամանորը նշում ենք Արևելյան դպրոցի Վերնատանը՝ տոնական-ազգային երգ ու պարով, ազգային ծիսական խոհանոցով, բարեմաղթանքներով, նվերներով։
Մաս 1-ին
Ընթեցանության նյութեր՝Մաս
Ա. Խնկոյան` «Ձմեռ պապի»
Հ. Թումանյան` «Առաջին ձյունը»
Ծրագիր`
Մասնակիցները ներս են մտնում Վերնատան երկու մուտքերից, շրջանաձև կանգնում։
Բերանացի՝
Ամանորյա բարեմաղթանքներ`
Շնորհավոր Նոր տարի,
Ձեր տունը շեն լինի
Բարով նոր հագնեք,
Միշտ ուրախ լինեք:
Հացը բոլ լինի,
Աչքը կուշտ լինի,
Ձեզ էլ փայ լինի,
Մեզ էլ փայ լինի:
Երգ` «Փաթ, փաթ, փաթիլներ»
Ընկուզախաղեր` հանելուկներ. կարդում են ծնողները:
Հանելուկներ
Այն ի՞նչն է, ինչը,
Սպիտակ ալյուր է մաղում,
Ամբողջ աշխարհը ծածկում։
(Ձյուն)
Այն ի՞նչն է, ինչը,
Սպիտակ պապիկ է,
Բերում է նվերներ։
(Ձմեռ պապ)
Այն ի՞նչն է, ինչը,
Գալիս է փաթիլ-փաթիլ,
Գնում է կաթիլ-կաթիլ։
(Ձյուն)
Միասնական երգ «Զար-զընգը»
Ցանկությունների ծառը` գնդակները իրար ենք փոխանցում և ասում ցանկություններ:
Միասնական պարերգ՝ «Բասեն բարի»
Միասնական երգ (անգլերեն)
Snowflake
Հ.Թումանյան` «Առաջին ձյունը»
Վա՜յ, մայրիկ ջան, տես…
Բակն ու դուռը լի
Ինչքան սպիտակ
Թիթեռ է գալի…
Էսքան շատ թիթեռ
Չեմ տեսել ես դեռ:
-Չէ՛,իմ անուշիկ,
Թիթեռներ չեն էտ.
Թիթեռներն անցան
Ծաղիկների հետ:
Էտ ձյուն է գալի,
Փաթիլն է ձյունի,
Որ կարծես սպիտակ
Թիթեռնիկ լինի:
Միասնական պար` Կռնկավե
Միասնական երգ «Տոնածառ ջան, տոնածառ»
Ա.Խնկոյան` «Ձմեռ պապի»
Արի՛, արի՛,
Ձմեռ Պապի,
Սպիտակ հագի,
Սպիտակ կապի:
Դաշտ ու անտառ,
Գետ ու գետակ,
Այս ամենը
Առ թևիդ տակ:
Սարում, ձորում
Սուլի՛ր, երգի՛ր,
Հեքիաթ ասա
Հետաքրքիր:
Գցիր կամուրջ,
Փռիր կարպետ,
Ա՛յ, անուրագ,
Անձեռ վարպետ:
Պարուսուցում ծնողների հետ` «Թամզարա»
Հանդիպում Ձմեռ պապի հետ: Նվերների հանձնում Ձմեռ պապի կողմից:
Մաս 2
Խաղ 1
- Ձմեռ պապից նվերները ստանալուց հետո տեղափոխվում ենք խմբասենյակ
իարականացնելու տեխնոլոգիական գործունեություն։ 5 տարեկանները կհագնեն խոհանոցային գոգնոցները և կձևավորեն նախապես թխված հրուշակեղենը։Նրանց կօգնեն ծնողները
` հայրիկները,մայրիկները,տատիկները, հյուրերը։
Խաղ 2
- Մայրիկները կպատրաստեն նկարակալներ։Պատահական սկզբունքով կվերցնեն ցանկացած ծրար(որի մեջ կլինի նկար)կպատրաստեն նկարակալը,վերջացնելուց հետո կբացեն ծրարը և պարզ կլինի, թե ո՞վ ում համար է պատրաստել նկարակալը և կնվիրեն իրար։
Մաս 3
Հյուրասիրություն՝ ծիսական սեղան՝ շարոց, գաթա,հայկական ավանդական ուտեստներ։